Web orrialdeko edukinera joan

Bidasoako XV. Nazioarteko Zinemaldi Arkeologikoa

FICAB_XV

Palmares

  • Jaialdiko Sari Nagusia: "Djehuty-ren bila: momien, hilobien eta hieroglifikoen artean". Javier Trueba eta José Latova.
  • Publikoaren Sari Berezia: "Koliseoko sekretuak". Pascal Cuissot.
  • Zientzi dibulgazioaren ARKEOLAN Saria: "Petra, basamortuko hiriburua". Olivier Julien.

Eta egia balitz, azken ikerketek proposatzen duten bezala, agian Paleolitikoko leizeetako artea animazioekin ikusteko sortu zela? Ez lirateke izango isats bikoitzeko bisonteak, edo zortzi hankako zaldiak, edo bi buruko ahuntzak. Irudi horiek berariaz diseinatuta egongo lirateke argi keinukarien laguntzaz zaldiak lauhazka ibil daitezen, bisonteek isatsa mugi dezaten edo ahuntzek, burua. Ondo argudiatuta dagoela dirudien interpretazio horren arabera, jada gure espeziea agertu zen lehenengo unetatik asmatuko zituzten marrazki bizidunak, mugimenduaren deskonposizioaren printzipioa erabiliz. Fantasia pixka batekin, jende hura leizeen sakonean bilduta irudika dezakegu, kanpoaldeko eguraldi txarrari aurre egiteko lur azpiko tenperatura atsegina aprobetxatuz, ikuskizun bat gozatzeko helburuarekin. Ikuskizun horretan, horman bikain erretratatutako animaliak izango ziren protagonistak.

Egia esateko, Artearen Historiaren ibilbidea adibidez beteta dago nola irudiak erabiltzen dituzten kontakizunen euskarri gisa, eta, gainera, gertaerak kontatzeko sekuentzia ezin hobeto zehaztuetan erabiltzen dira irudi horiek. Egiptoko hilobietan agertzen diren irudikapenak banda bidezko irtenbidea emandako ibilbide lineal eta kronologiko bat jarraituz antolatzen dira. Eta kontakizunaren haria ez galtzeko, beste baliabide batzuk ere erabiltzen dituzte; hala nola, irudien tamaina kodifikatuak; handiagoak jainko eta faraoientzat, txikiagoak agindupekoentzat; koloreak, gorria gizonaren azalerako; horia emakumearenerako... etab. Ibilbide horren beste eszenatoki bat figurekin margotutako zeramika greziarrena da. Gehienak biribilak badira ere, piezari buelta emandakoan irudikapenen zikloa jarraitu daiteke: Ulises itsasontziaren mastara lotuta, beren melodiekin liluratu nahi duten sirenak, jauregien irudikapenak itsasertzean. Erraza da gertaeren katea eta hurrenkera horrela jarraitzea, eta protagonista proba horretatik ere onik atera zela ondorioztatu daiteke. Eta zer esanik ez Greziako Dydimako santutegiko areto iluna. Han, apaizek erromesak engainatzen zituzten, giro psikodeliko batean bilduz, eta hori Hollywoodeko estudioetan egiten dituzten trukoekin bezala eraikita lortzen zuten. 

Badirudi gure giza-nortasunarekin lotuta doala kontakizunak modu batera edo bestera mugimendua duten irudiekin eraikitzera bideratzen gaituen jeinu sortzailea. 1895ean patentatu zen Lumière anaien zinematografoak aukera eman digu gaitasun hori askatzeko eta ezin susmatuzko mugetaraino garatzeko. Eboluzio progresibo horretan, iragana eta orduko jendea hobeto ezagutzeko aukera ere eskaintzen digu. Eta hori ikusteko aukera izango da Bidasoako Nazioarteko Zinemaldi Arkeologikoaren XV. edizio honetan.

Programa_XV_FICAB.pdf

Fitxa teknikoa

FICAB XV
Urtea: 2015
Data:: Azaroaren 16tik 21era

Proiekzioak:

Ostirala 14 eta Larunbata 15: San Telmo Museoa. Donostia-San Sebastián
Saioak 11:00 eta 19:00etan: Amaia KZ. Irun
Saioak 17:00etan: CBA. Irun
Sari banaketa 21, 20:00etan: Oiasso Erromatar Museoa. Irun
Sarrera dohainik

Film guztiak jatorrizko bertsioan emango dira, eta azpitituluak gaztelaniaz, "Aigues Mortes eta Frantziako San Luis erregearen gurutzadak" eta "Samotraziako Garaipena agerian" izan ezik, horien azpitituluak euskaraz izango baitira. 

Proiekzioen ordutegiak gutxi gorabeherakoak dira.

Batzorde antolatzailea

Juncal Eizaguirre. Irungo Udaleko Kultura Zinegotzia.
Ainara Martín. Irungo Udalaren Kultura eta Kirol Arloko zuzendaria.
Jokin Ormazabal. Irungo Udaleko Kulturako teknikaria.
Cristina Aguirre. Oiasso Erromatar Museoko gerente.

Zuzendaritza

Mertxe Urteaga. Oiasso Erromatar Museoko zuzendaria.

Idazkaritza

María José Noain Maura. Oiasso Erromatar Museoko jardueretako arduraduna.

Epaimahaia

Presidentea:

Juan Santos Yanguas. Euskal Herriko Unibertsitateko Antzinako Historiako katedratikoa.

Batzordekideak:

Marc Azéma. Doctor en Prehistoria y especialista en arte paleolítico.
Paloma García. Xixongo Arkeologia Museoetako zuzendaria.
José Luis Rebordinos. Donostiako Nazioarteko Zinemaldiko zuzendaria.
Luis Sanz. Ikus-entzunezko eduki hezigarrien eta dokumentalen ekoizlea Valladolideko Unibertsitatean.

  • PROGRAMAZIOA

2015-ko Maiatzaren 14a, Larunbata

12:00. Medusaren baltsaren egiazko historia. Produkzioa: Grand Angle Productions. Produkzioa: ARTE France. Zuzendaria: Jollon, Herlé. Francia, 2014, 90. Hizkuntza: Francés.

01_Radeau_Meduse

Film honek Géricault-en "Medusaren baltsa" koadro ospetsua, Louvre museoan dagoena,  hartu du erreferentziatzat. Itsasontzia XIX. mendean hondoratu zen Afrikako kostaldetik gertu; bidaiariak eta marinelak hainbat txalupatan eta baltsa batean salbatu ziren, zenbait egun jitoan egoera penagarrian egon ondoren. Haien erreskatea gertakari handia izan zen eta eragina izan zuen gizarte frantsesean. Gertaera hori kontatzen du dokumentalak, baltsa berreraiki eta ur gainean igeri jarri arte ontziko bizimoduaren xehetasun guztiak ezagutu ahal izateko.
  
17:30. Aigues Mortes eta San Luis erregearen gurutzadak. Produkzioa: Gedeon Programmes. Zuzendaria: Lefebvre, Xavier Zuzendaria: Fontana, Benjamin. Francia, 2014, 52. Hizkuntza: Francés.

02_Aigues_Mortes

Rodano ibaiaren bokalean, Aigues Mortesko hiribildu harresituko fundazioak aukera emango du San Luis errege frantsesak bultzatutako gurutzaldien testuingurua birsortzeko. Oinarritzat hartuta egungo hiribildua, oso ondo kontserbatu baititu bere harresiak eta XIII. mendeko hiri planoa, eta haren ingurua estuarioko paduren artean, kanpo merkataritzaren zerbitzurako eta Jerusalenera zihoazen itsasontzien abiapuntu izateko sortutako itsas portuaren goraldia eta gainbehera erakusten ditu.
  
19:00. Santa Sofia basilikaren erradiografia. Produkzioa: ARTE France. Produkzioa: ZED. Produkzioa: Providence Pictures. Produkzioa: Nova-WGBH. Zuzendaria: . Francia, 2014, 87. Hizkuntza: Francés.

03_Santa_Sofia

Dokumental honek xehetasun handiz deskribatzen ditu Santa Sofiaren arte eta arkitektura nortasuna, eliza VI. mendekoa da eta oraindik zutik dago, lurrikara ugari izaten diren lurralde batean egon arren, eta XV. mendearen amaieran musulmanen eskuetan erori izan arren. 3D-n egindako infografia eta berreraikuntza ugari aurkezten dira eta horiei esker ezagutu daitezke monumentu horren alderdi nagusiak.
  

2015-ko Maiatzaren 15a, Igandea

12:00. Turfango misterioak. Zuzendaria: Zuzendaria: Wedel, Carola. Alemania, 2014, 45. Hizkuntza: Alemán.

04_Turfan

Taklamakan basamortu txinatarretik hurbil, Zetaren Bidearen iparraldean, daude Kizil leizeak eta Kucha eta Turfan oasiak. Leizeak dituzten pintura budista bikainengatik dira ospetsu, III eta XIII. mendeen artekoak, hain zuzen ere, eta haietako batzuk Berlinen daude ikusgai. Filmak aurkitzaileen bidaia biziberritzen du, jatorriz alemaniarrak haiek, XX. mendearen hasieran, eta leizeetako margoak erakusten ditu, eta baita Alemaniara eraman zirenen berregokitzea ere museo berri batean, Humboldt Forum izenez ezagutzen dena.
  
19:00. Samotraziako Garaipena agerian. Produkzioa: Gedeon Programmes. Produkzioa: ARTE France. Zuzendaria: Garcias, Juliette. Francia, 2015, 52. Hizkuntza: Francés.

05_Samotracia

Samotraziako Garaipena eskulturan orain dela gutxi egindako berritze lana da abiapuntua eskultura multzo horri buruz informazio handia emateko. Aurkikuntzaren historia kontatzen du irudien bidez, eskultura agertu zen santutegiaren testuinguruaren berri ematen du, Frantziara nola eraman zen, ikerketen emaitzak, nola zizelatu zen jakin ahal izateko eta intereseko beste hainbat xehetasun ere. Gurtzarako irudi eta Louvre museoko bildumetako ondasun enblematikoenetako bat, karra pizten baitu bisitarien artean, bilakatzeko prozesua zer-nolakoa izan zen azaltzen du halaber.
  

2015-ko Maiatzaren 16a, Astelehena

19:00. Zinemaldia irekitzeko ekitaldia

  

19:30. Petra, basamortuko hiriburua. Produkzioa: ARTE France. Produkzioa: ZED. Produkzioa: Providence Pictures. Produkzioa: Nova-WGBH. Zuzendaria: . Francia, 2014, 80. Hizkuntza: Francés.

06_Petra

Petra hiriak, erreinu guztiz aberats bateko hiriburua izan zenak, Nabateosekoa, hain zuzen ere, aurkikuntza berriak eskaintzen dizkigu etengabean. Hiru basamorturen bazterrean, Arabiakoa, Siriakoa eta Neguev-ekoa, Erromatarren Inperioak bere egin zuen kristauen aroaren hasieran. Garai horretan bertako harrian induskaturiko monumentu batzuez hornitu zuten eta nortasun guztiz bakarra eman zioten haiek. Gero abandonatu egin zuten, Beduinoen eskuetan geratu zen, eta ahanzturan gelditu zen XIX. mendean berraurkitu zuten arte. Baina dokumental honetan erakutsiko den bezala, kultur testuinguru zabalago batean dago Petra, eta horri esker uler daitezke haren berezitasunetako asko.
  

2015-ko Maiatzaren 17a, Asteartea

11:00. Eboluzionatu!. Produkzioa: Escuelab. Zuzendaria: Devitto, Facundo Zuzendaria: Ruiz, Begoña. España, 2014, 13. Hizkuntza: Castellano.

07_Evoluciona

"Eboluzionatu!" film labur hezigarria da, eta irudi erreala eta animazioa nahasten ditu biziari eta espezien bilakaerari jatorria eman zioten prozesuetan barrena eramateko, Historiaurretik gaur egunera arte.


  
11:15. Gure aztarnen atzetik: nekazaria. Produkzioa: Tournez s´il vous plait. Zuzendaria: Molia, Agnès Zuzendaria: Marchand, Thibaud. Francia, 2014, 26. Hizkuntza: Francés.

08_Agricultor

Neolitikoak aldaketa handiak ekarri zizkien Ekialde Hurbileko populazio paleolitikoei, nekazaritzaren eta abeltzaintzaren bidez. Ehiztari-fruitu biltzailea zena nekazari sedentario bilakatu zen eta bizimodu berri hura pixkanaka-pixkanaka zabaltzen joan zen herrigune europarren artean. Dibulgazio bokazio argiarekin, Frantziako arkeologia garrantzitsuena aurkezten duen sail baten barnean dago dokumental hau.

  
11:45. Hizkuntza zinematografikoa Egipton. Zuzendaria: Bocktor, Genevieve. Egipto, 2013, 19. Hizkuntza: Árabe.

09_Movie_language_Egipto

Kontalari baten laguntzarekin, Egipto zaharreko irudi artistikoen sail bat ikusteko aukera izango dugu, eta ikusiko dugu berariazko hizkuntza zinematografikoa dagoela eszenak aurkeztean. Haietako asko argitaragabeak dira mendebaldeko publikoarentzat, baita ezagutzak dituztenentzat ere, sarbide esklusiboa eta mugatua duten monumentuetan hartu baitira.
  
17:00. Egia osoa Tenplarioei buruz. Produkzioa: Gedeon Programmes. Zuzendaria: Pradinaud, Mathieu. Francia, 2013, 52. Hizkuntza: Francés.

10_Templiers

Paris, 2010eko urria. XIX. mendeko merkatu estali baten barruan, Parisen erdian, indusketa arkeologiko handi bat eraman zen aurrera Tenpleko Zaldunek XII. mendean, Jerusalendik itzuli zirenean, beren altxorrak biltzeko gune bat eraiki zuten lekuan. Indusketa horri esker eskuratutako informazioari, guztiz garrantzitsua historiaren ikuspegitik begiratuta, historialariek Vatikanoan aurkitutako artxibo berri batzuk erantsi zaizkio, eta ezagutzen ez genituen datuak eskainiko dizkigute Tenplarioen eta haiek Gurutzadetan izan zuten parte hartzearen inguruan.
  
19:00. Haitzetan. Produkzioa: Diego, Enrique. Zuzendaria: Diego, Enrique. España, 2015, 7. Hizkuntza: Castellano.

11_Rupestre Topo egiten dute basazaldi batek eta paleolitikoko mutiko batek. Haien artean lotura bat sortuko da, elkarrekiko jakin-mina, milurteko askotan heredatutako beldurrak ere esnatuko diren arren.   

19:10. Oinatza, historiaurreko haitzuloetako artea. Zuzendaria: Zuzendaria: Yung-Hoon, Lee. Corea del Sur, 2015, 48. Hizkuntza: Coreano.

12_The_Sign

Gizakiaren lehen arte adierazpenetako bat dira petroglifoak edo harrian landutako irudiak, eta baita lehen animazio ahalegina ere. Zein sekretu gordetzen dituzte ordea? Paleolitikoan sortutako lehen artelanak erakutsiko dizkigu dokumental honek, ikuspegi orokor batetik begiratuta betiere, eta Errusian eta Korean aurkitutako arte adierazpenak ere aintzat hartu dira hartan.
  
20:00. Djehuty-ren bila: momien, hilobien eta hieroglifikoen artean. Produkzioa: Madrid Scientific Films. Zuzendaria: Trueba, Javier Zuzendaria: Latova, José. España, 2015, 55. Hizkuntza: Castellano.

13_Djehuty

"Djehuty-ren bila" dokumentalak Egipton egindako hamahiru indusketa arkeologiko kanpainaren nondik-norakoak kontatzen ditu, Djehuty-ren hilobian oinarrituta. Lehen emakume faraoia izan zen Hatshepsut erreginaren altxorraren begiralea zen hura. Haien aurpegiak eta izenak sistematikoki ezabatu ziren orain dela 3.500 urte haietaz ez gogoratzeko. Gaur, José Manuel Galánek zuzendutako nazioarteko talde bat haien memoria leheneratzen ari da Dra Abu el-Naga nekropolia aztertuz, Luxor-en. Djehuty-ren hilobia eta haren Hildakoen Liburu izugarria dira abiapuntua pertsonaia berriz, aurkikuntza baliotsuz, ez-ohiko aurkikuntzez eta lekuan bertan egindako zientzia lanaren irudi argitaragabeez beterik dagoen abentura honetarako.
  

2015-ko Maiatzaren 18a, Asteazkena

11:00. Geure aztarnen atzetik: herritarra. Produkzioa: Tournez s´il vous plait. Zuzendaria: Molia, Agnès Zuzendaria: Laville, Nathalie. Francia, 2014, 26. Hizkuntza: Francés.

14_Sur_nos_traces_Citadin

Fue Julio César quien bautizó con el nombre de las Galias al conjunto de territorios que conquistó entre los años 58 y 51 a. C. La civilización galorromana se desarrolló durante dos siglos de paz poblando las nuevas provincias de anfiteatros, foros o templos, situados en ciudades. Y quien dice ciudad, dice ciudadano, una noción que se desarrolla a la par que la integración de los galos en el Imperio.
  
11:30. La Olmeda, hiribildu erromatarra. Produkzioa: Diputación de Palencia. Zuzendaria: Diputación de Palencia. España, 2011, 8. Hizkuntza: Castellano.

15_Olmeda

1986. urtean aurkitu zuten La Olmeda Hiribildu erromatarra, eta mundu erromatar-hispaniarreko aztarnategi arkeologiko garrantzitsuenetako bat da. Behe Inperioko (k.o. IV. mendea) etxe handi bat da, eta haren eraikin nagusia erdiko patio baten inguruan eratua dago. Patio horretara irekiak daude aretoak, mosaikozko zoladura bikainekin gehienak. Ekoizpen txiki honetan ibilbide bat egingo dugu hiribildu erromatar horretan, Palentzian eta bere testuinguru historikoan barrena.
  
11:40. El Cardonal, arkeologia Andeetan. Zuzendaria: Zuzendaria: Vercesi, Luciano. Argentina, 2014, 34. Hizkuntza: Castellano.

16_Cardonal

Abiapuntu gisa El Cardonal aztarnategia hartuta, Argentinako Andeetan, bertako biztanleen eta arkeologoen artean sortzen den harremana aurkezten du dokumentalak. Haien laguntzari esker, berraurkitzen eta balio handiagoa ematen diote iraganari, eta Arkeologiako ikerketa teknika nagusiak erakusten dizkigu. Oraina eta iragana nahasi egiten dira laborarien eguneroko bizitza zientzia ikerketekin loturik.
  
17:00. Gerlari lapurtuak. Produkzioa: Luckfilm. Zuzendaria: Luck, Wolfgang. Alemania, 2014, 52. Hizkuntza: Inglés.

17_Stolen_warriors

Nola liteke Kanbodiako tenplu ospetsuenetako bateko eskultura batek Sotheby's enpresako enkante batean bukatzea? Ondare arkeologikoaren lapurreta kasu ikusgarri baten historia kontatzen du film honek. Khmer kulturako tenplu batetik arpilatutako gerlari ikoniko baten ibilbideari jarraituz, New Yorkeko enkante etxe batean aurkitzeko eta antigoaleko gauzen trafikoaren larritasuna jendaurrean salatzeko aukera eman zuen ikerketa lana ikusiko dugu.
  
19:00. Verona, hiri irekia. Produkzioa: Centro Studi Archeologici. Zuzendaria: Peres, Marcello Zuzendaria: Tagliabue, Nicola. Italia, 2015, 41. Hizkuntza: Italiano.

18_Verona

Italiako Verona hiriak iragan erromatar garrantzitsua du, inolaz ere, eta haren hondakinak txertatzen joan dira lekuko egungo hirigintzan. Aireko ikuspegi bikain batzuen bidez eta elementu garrantzitsuenen azterketa xehea eginez sartuko gara orain dela 2.000 urteko Veronan. Eta halaxe ezagutuko dugu Arena di Verona ospetsua, egia esan anfiteatroa, Harrizko zubia, Gavitarren Arkua eta ate monumentalak, lurpeko Veronari ez-ohiko begirada eginez.
  
19:40. Erromatarren ingeniaritza: hiriak. Produkzioa: Digivision. Zuzendaria: Muñiz, José Antonio. España, 2015, 55. Hizkuntza: Castellano.

19_Ciudades

Erromatarren ingeniaritzari buruzko telesaileko atal honetan kontatzen da Erroma nola izan zen eredu inperioko gainerako hiriak sortzeko. Ezagutuko dugu hiri baten kokalekua nola erabakitzen zen eta ezagutuko ditugu halaber jarraitzen zituzten erritoak, perimetroa markatzea, lursail zatiketa eta kolonoen artean nola banatzen zuten. Informazio horiek lagundurik, hiriak sortzeko artea ezagutuko dugu, puntu komunei eta zituzten aldeei buruz gogoeta eginez.
  

2015-ko Maiatzaren 19a, Osteguna

11:00. Arkeologia Canningtongo bypassa. Zuzendaria: Zuzendaria: Owen, Justin. Gran Bretaña, 2014, 23. Hizkuntza: Inglés.

20_Cannington_Bypass

Prebentziozko Arkeologia erabiltzen da arkitektura edo ingeniaritza obraren bat egoteagatik desagertzeko arriskuan dauden aztarnategietan. Cannington lurralde ingelesean egin beharreko herri lan batek esku hartze bat egiteko aukera eman zien arkeologoei 2014ko udan, eta hari esker, erromatarren garaiko hiru eraikinen hondakinak atera ahal izan ziren argitara. Erromatarren garaiko hiribildu aberats batekoak ziren eraikuntza haiek. Horrekin batean, Burdin Aroko eta Erdi Aroko maila batzuen identifikazioak aukera emango du lekuak historian zehar izan zuen bilakaeraren ikuspegi osoa eskaintzeko.
  
11:30. Geure aztarnen atzetik: jauntxoa. Produkzioa: Tournez s´il vous plait. Zuzendaria: Molia, Agnès Zuzendaria: Laville, Nathalie. Francia, 2014, 26. Hizkuntza: Francés.

21_Sur_nos_traces_Le_seigneur

1000. urte inguruan agertu zen Erdi Aroko irudi enblematikoenetako bat: jauntxoa. Lur eremu zabalen jabe haiek ia era autonomoan erabiltzen zuten beren boterea: polizia lanak egiten zituzten, justizia egiten zuten, zergak eta merkataritza kontrolatzen zituzten. Piramide feudal baten inguruan antolatu ziren nobleak, eta haien testigantza ere ikus daiteke garai hartako aztarnategi arkeologikoetan.
  
17:00. Marc Azémaren hitzaldia eta La Prehistoria del Cine

MA_Psalia





:.  

19:00. Neronen erokeria. Produkzioa: CNRS Images. Zuzendaria: Rambaud, Paul. Francia, 2014, 11. Hizkuntza: Francés.

22_Folie_Neron

Erromako Palatino mendian, 2009. urtean, arkeologo frantziar-italiarren talde batek egindako indusketek aukera eman zuten Neron enperadorearen garaiko eraikin baten hondakinak aurkitzeko, oso ezaugarri bereziak zituena, hain zuzen ere. Oin zirkularreko eraikuntza da, eta ematen du makineria konplexu bati euskarri emateko izan zela. Pentsatzen da harekin eragiten zitzaiola enperadorearen etxeko jangela nagusiko mahaiari. Dokumental honetan, Suetonio historialariaren testigantzan oinarriturik, mekanismoaren berreraikuntza hipotetikoa eskaintzen digu txanponetan ageri zen ikonografiak eta ikerketa arkeologikoak.
  
19:10. Koliseoko sekretuak. Produkzioa: ARTE France. Produkzioa: ZED. Produkzioa: Nova-WGBH. Produkzioa: Providence Pictures. Zuzendaria: Cuissot, Pascal. Francia, 2014, 85. Hizkuntza: Francés.

23_Coliseo

Gezurra dirudi Koliseoari buruz, Erroma zaharreko arkitektura bitxi handienetako bat izanik, gaur egun oraindik nola lor daitezkeen informazio berriak. Eta aldiz, dokumental honetan ariketa xehea egiten da eta berritu egin dira Erromatarren Inperioko arte eta eraikuntzako jenio hoberentzat hartu den monumentu honi buruzko ezagutzak. Arkeologoek eta historialariek indarrak batu dituzte inperioaren botereko tresna mediatiko horren arkitektura eta erabilera berriro ikertzeko. K.o. I. mendean eraiki zuen Vespasianok dinastia berriaren boterea legeztatzeko, eta baliabide mugagabeak izan zituen Erromako herria limurtzeko.
  

2015-ko Maiatzaren 20a, Ostirala

17:00. Punta Linke, memoria. Produkzioa: SAP Società Archeologica. Zuzendaria: Chiodarelli, Paolo. Italia, 2014, 62. Hizkuntza: Italiano.

24_Punta_Linke

Azken hamarkadetan, Alpeetan glaziar-multzoak izan duen atzerakada handiak I. Mundu Gerrako testigantza historikoak azaleratu ditu: Punta Linken, esate baterako, Trentinon, oso klima baldintza larrietan, 3.500 metrotik gorako altitudean, aurrera eramandako indusketa arkeologikoek postu militar austriar-hungariar bat berreskuratu dute, teleferiko baten mekanismoarekin, oso ondo kontserbatua gainera.
  
19:00. Agabea bizia da. Produkzioa: ArcheoProductions. Zuzendaria: Brown, David. Estados Unidos, 2014, 60. Hizkuntza: Inglés.

25_Agave

Texasen (Estatu Batuak) bizi diren antropologoen talde batek agabearen eta gizarteen arteko harreman sinbolikoaren 10.000 urteko ikuspegia erakusten digu. Duen balio sakratu eta zeremonialaren bidez erakusten da landare horren garrantzia, propietate ugari izateaz gainera; hari esker, bertako amerikarrek guztiz estimatzen duten landarea da gaur egun oraindik ere. Antzinarotik hasi eta gaur egunera arte, ikusiko dugu agabea beti egon zela mitoarekin, erlijioarekin eta kultur nortasunarekin loturik.
  
20:00. Chavín de Huantar. Beste munduko antzerkia. Produkzioa: Wanda Films. Zuzendaria: Novoa, José Manuel. España, 2015, 52. Hizkuntza: Castellano.

26_Chavin

Perun orain dela 3.300 bat urte eraiki zuten Chavín de Huántar zeremonietarako zentroa. Hartan, gobernatzaile teokratiko bihurtu zen eliteko apaiz talde bat. Hantxe egiten zuten beste munduko antzerkia, liturgia zail bat eszenaratuz eta erantzunen bila joaten ziren erromesen aurrean beren boterea indartuz. Sustantzia haluzinogenoak erabiltzen zituzten eta era guztietako soinu, usain eta entzumen efektuak neolitoek izaten zituzten pertzepzioak manipulatzeko. Horri esker gizarte piramidearen gailurrean jarri zen apaiz taldea eta 800 urtetan zehar eutsi zion bere agintaritzari, inolako armada beharrik gabe.
  

2015-ko Maiatzaren 21a, Larunbata

20:00. Sari-banaketa + Kamerata Oiasso kontzertua

Kamerata2

  

Festival Internacional de
Cine Arqueologico del Bidasoa
Museo Romano Oiasso
Eskoleta, 1. 20302 Irun
Tfno.: (+34) 943-63 93 53
E-mail: ficab.oiasso@irun.org
Facebook
Colaboradores

Diario Vasco

Orrialdearen hasierara joan