Bidasoako XI. Nazioarteko Zinemaldi Arkeologikoa

Palmares

• Jaialdiko Sari Nagusia: "Jainko arpilatzaileak". Adolfo Conti.
• Publikoaren Sari Berezia: "Lehenengo europarrak". Axel Clevenot.
• Zientzi dibulgazioaren ARKEOLAN Saria: "Apaizac Obeto. Azken balea txaluparen kondaira". Jon Maia.

Hamaika, FICABen edizio honek 11 zenbakia darama. Gaztelaniaz ez dauka euskaraz adinako kargarik, euskaraz hamaika hori kopuru handia, pila bat esateko ere erabiltzen baita. Baina balio hori gabe ere, nabarmentzeko kontua da hamar gainditu izana, banaka eta bata bestearen atzetik, hamaika edizioetaraino heldu izana arkeologi zinemako nazioarteko jaialdia, bere generoan bakarra izaten segitzen duena estatu espainiarrean. Eta hurrenez hurreneko horretan, lehiaketara aurkezten den film-kopurua hazi izana ere nabarmendu behar da. Era berean, jatorriak ere gero eta gehiago dira, produkzioen kalitatea ere gero eta handiagoa, eta ikusleen babesa eta konplizitatea ere bai, izan ere gero eta irundar eta bidasoar gehiagok parte hartzen du, modu batean edo bestean, antolatzeko lanetan.

Baina hamaikagarren edizio hau beste arrazoi batengatik ere nabarmentzen da. FICABen sorreran, zirkulu europarretan bilatu eta arakatu behar izaten genuen programazioa osatzeko. Gero, nolabaiteko herabetasunez, tantaka iristen hasi ziren produkzio espainiarrak; gero, ikusgarriago egin ziren, eta iazko edizioan, ordezkaritza garrantzitsua lortu zuten programan. Aurten, bestalde, euskal dokumentalen urtea da. Ekaineko haitzuloetako pintura paleolitikoa, Aralarreko historiaurreko kobre-meategiak, La Hoyako II. Burdin Aroko herrixkako erasoa Laguardian, Errolan hil zeneko Orreagako borrokaldia eta euskal baleontzien espedizioak Ternuara; horiek guztiak denboran zehar egindako ibilaldi berezi honetako mugarriak dira. Izan ere, FICABek zerbaitetarako balio badu, zine-baliabideen bidez iragana ekartzeko balio du: alegia, birsorkuntza, irudia eta soinua baliatuz, eta sentipenak ukitzen dituen eta bitarteko horien bidez transmititzen diren informazio historikoak gordetzen, gogoratzen laguntzen digun hizkuntza erabiliz. Ez dago zalantzarik, egun hauetan asko ikasiko dugu gure historiaz eta munduan zehar banatutako beste kultura batzuetako historiaz.

Fitxa teknikoa

Ficab XI
Urtea: 2011
Data:: 2011ko Azaroaren 15, 16, 17, 18 y 19an

Batzorde antolatzailea

Belén Sierra, Irungo Udaleko Kultura eta Kirol Ordezkaria
Jokin Ormazabal, Irungo Udaleko Kultura Arloburua
Cristina Aguirre,Oiasso Erromatar Museoko gerentea
Javier Arce,Lille Unibertsitateko irakaslea (Frantzia)

Zuzendaritza

Mertxe Urtega, Oiasso Erromatar Museoko zuzendaria

Idazkaritza

Maria José Noain, Oiasso Erromatar Museoko jardueretako arduraduna

Epaimahaia

Presidentea

Juan Santos Yanguas, Euskal Herriko Unibertsitateko Antzinako Historiako katedratikoa

Batzordekideak

Rosario García Rozas, Zamorako Museo Probintzialeko Zuzendaria
Jesús Mari Lazkano, Margolariak eta Euskal Herriko Unibertsitateko Arte Ederretako fakultateko irakaslea
Rogelio Sánchez, ASECIC Espainiako Zinema eta Irudi Zientifikoen Elkarteko Idazkari Nagusia
William Van Andringa, Helsinki Collegium for Advanced Studies.