Web orrialdeko edukinera joan

Bidasoko XXIII. Nazioarteko Zinemaldi Arkeologikoa

PRUEBA_23

Saridunak
  • Jaialdiko Sari Nagusia: "Téviec", Hubert Béasse
  • Publikoaren Sari Berezia: "Historias de una necrópolis". Javier Trueba.
  • Hezkuntza Sailaren Saria: "Erromatar arrastoak oinen azpian", Nagore Rementeria eta Iñaki Leturia
  • Zientzi dibulgazioaren ARKEOLAN Saria: "Le vrai visage des vikings", Alexis de Favitsky eta Pierre Stine

ASTELEHENEAN HASIKO DA BIDASOAKO NAZIOARTEKO ZINEMALDIA ARKEOLOGIKOAREN XXIII. EDIZIOA, ZINEMAZALE ETA ARKEOLOGIAZALEEN GOZAGARRI

Gaur Oiasso Museoaren egoitzan emandako prentsaurreko batean, Irungo Udaleko Kulturako ordezkari Nuria Alzagak, Oiasso Museoko koordinatzaile nagusi eta Bidasoko Nazioarteko Zinemaldi Arkeologikoko zuzendari Aizpea Goenagak, beste elkarte eta entitate batzuetako ordezkariekin batera, Bidasoko Nazioarteko Zinemaldi Arkeologikoaren XXIII. edizioko egitaraua aurkeztu dute.

Hilaren 13tik 18ra bitartean, zinemazale eta arkeologiazaleek programazio erakargarri bat izango dute aukeran: 30 bat film labur eta luze, Amaia KZn, horixe izango baita Zinemaldiaren egoitza nagusia.  

"Irundarrak eta inguruko bisitariak Bidasoko Nazioarteko Zinemaldi Arkeologikoaren beste edizio batez gozatzera gonbidatu nahi nituzke. Beste urte batez, Zinemaldiak munduko hainbat herrialdetako film hautatuak bilduko ditu, eta, horri esker, txikiek zein handiek zinema eta arkeologiarik onenaz gozatu ahalko dute, Irunen bertan", adierazi du Nuria Alzagak.

Aurreko edizioan bezala, aurten ere, Espainia, Frantzia eta Italiako filmak dira nagusi, hala nola Historias de una necrópolis, Amazonen erregina eta Izpi bat uretan bezala. San Casciano dei Bagniko brontzeak, baina badira oso jatorri desberdineko filmak ere, hala nola Turkia, Brasil eta Serbiakoak; tartean, Aurrez aurre dudan lekua: sambaqui-ak.

Egitarau osoa

Zinemaldirako aukeratutako filmak hiru emanalditan banatuko dira. Sail Ofizialekoak astelehenean bertan hasiko dira, hilak 13, 17:00etan eta 19:00etan, Amaia KZko hitzaldi aretoan eta auditoriumean hurrenez hurren, eta, sail horren beraren barruan, ostiral eta larunbatean ere izango dira saioak, 11:00etan, baita mahai inguruak ere, memoria historikoaren inguruan. 

Goizeko emanaldiak, Hezkuntza Sailekoak, berriz, asteartean hasiko dira, hilak 14: Amaia KZko auditoriumean emango diren film laburren ziklo bat izango da.

Azkenik, beste urte batez, itsas arkeologiarekin zerikusia duten filmak Donostian emango dira, Aquarium museoan: zinema arkeologikoaren gaineko maratoi bat izango da, eta, emanaldiaren ondoren, beste mahai inguru bat egingo da.

Bestalde, edizio honetan ere, film guztiak online ikusi ahalko dira, Festhome plataformaren bidez, Zinemaldiak irauten duen astean.

- Sail Ofizialeko filmak Festhomen: https://tv.festhome.com/festivaltv/xxiii-festival-internacional-de-cine-arqueologico-del-bidasoa/0/5494

- Hezkuntza Saileko filmak Festhomen: https://tv.festhome.com/festivaltv/xxiii-festival-internacional-de-cine-arqueologico-del-bidasoa/0/5517

Beste urte batez, itsuek ere ikusi ahalko dute filmetako bat, AudescMobile doako audio-deskripzio sistemari esker, zeina ONCEk sustatu duen; oraingoan, Historias de una necrópolis dokumentala, Javier Truebarena

Zinemaldiari bukaera emateko, Irulegiko eskua eta Indiana Jones

Antolatzaileek adierazi dutenez, aurten, Zinemaldiari bukaera emateko eta sariak banatzeko ekitaldia oso berezia izango da; besteak beste, Irulegiko eskua eta Indiana Jones eta azken gurutzada emango direlako sari banaketaren ondoren –Indiana Jones eta azken gurutzada, Bizinema ekimenari esker, zeinak aurten ere Zinemaldian parte hartuko duen hura hain modu originalean girotuta non ikus-entzuleek historiaurrera bidaiatuko duten–, 18:30etik aurrera.

Sarrerak

Zinemaldira joan nahi dutenek doan lortu ahalko dituzte sarrerak, azaroaren 9ko 12:00etatik aurrera, Udalaren webgunearen bitartez.

Sariak eta epaimahaia

Sari hauek banatuko dira Bidasoko Nazioarteko Zinemaldi Arkeologikoaren XXIII. edizioan:

- Zinemaldiko sari nagusia (2.000 €)

- Ikusleen sari berezia (1.000 €)

- Hezkuntza Saileko saria (750 €)

- Dibulgazio zientifikoko Arkeolan saria (sari ekonomikorik ez)

Epaimahaia ikus-entzunezkoen eta arkeologiaren alorreko profesional entzutetsuek osatuko dute, eta amaierako ekitaldian jakinaraziko du epaia.

Hezkuntza Sailean, berriz, Zinemaldiko kideek osatutako epaimahai batek lan pedagogikorik onena sarituko du, eta Zinemaldiari amaiera emateko ekitaldian jakinaraziko du epaia.

Azkenik, Arkeolan saria Fundazioko kide diren adituek baloratuko dute, eta ikusleen sari berezia ikus-entzuleek film bakoitzaren proiekzioaren ondoren jarriko diren hautestontzien bidez ematen dituzten botoen arabera emango da.

Programa_Ficab_2023.pdf

Fitxa teknikoa

XXIII FICAB
Urtea: 2023
Data:: Azaroak 13-18

BATZORDE ANTOLATZAILEA

Nuria Alzaga
Irungo Udaleko Kultura zinegotzia

Eunate Encinas
Irungo Udaleko Kultura eta Kirol arloko zuzendaria

Marian Mateos
Irungo Udaleko Kultura teknikaria

ZUZENDARITZA

Aizpea Goenaga
Oiasso Museoko koordinatzaile orokorra eta FICAB zinemaldiaren zuzendaria

EPAIMAHAIA

Epaimahaiburua: Isabel Izquierdo
Arkeologoa, ikertzailea eta Arkeologia Museo Nazionaleko zuzendaria

Juantxo Agirre
Aranzadi Zientzia Elkarteko idazkari nagusia

Julieta Juncadella
Zinemagilea, banatzailea eta ekoizlea

Eneko Sagardoy
Aktorea

Mertxe Urteaga
Arkeologian doktoregoa, Gipuzkoako Foru Aldundiko Ondare historiko-artistisko zerbitzuko kidea

EKOIZPENA
Juanjo Jiménez
Oiasso Museoko zuzendaria

Mélanie Doré
Koordinatzailea

AHOLKULARITZA ZIENTIFIKOA

Leire Lizarzategui
Oiasso Museoko jarduera arduraduna eta FICAB zinemaldiaren aholkulari zientifikoa

HEZKUNTZA SEKZIOA

Itsaso Bikuña, Idoia Castro
FICAB zinemaldiaren hezkuntza saileko arduradunak

ADMINISTRAZIOA

Idoia Lekuona
Administrazioa

  • PROGRAMAZIOA

2023-ko Maiatzaren 13a, Astelehena

17:00. SAIL OFIZIALA - HISTORIA TANTTAK. Amaia KZ hitzaldi aretoa. Irun.

  

17:00. Aurrez aurre dudan lekua: Sambaqui-ak. Brasil. 2022 86'. Produkzioa: Ampler Cine TV - Novas Mídias . Zuzendaria: Karla Nascimento. Brasil, 2022, 86 minutos. Hizkuntza: Portugués.

9_frame1_O_Lugar_Antes_de_Mim_Episdio_3_Sambaquis Aurrez aurre dudan lekua sailak ikus-entzunezko baliabideen bitartez kolonizazio aurreko arkeologia ezagutaraztea proposatzen du, eta, hirugarren atalean, sambaqui-ak aztertzen ditu, duela 10.000 urte Brasilen nahita eraikitako maskor piloak, 30 metro baino garaiago ere izan daitezkeenak. Horrela, filmak inguruan bizi ziren herrien eguneroko bizitzako gaiak azaltzen ditu, baita, besteak beste, kostaldeko eta ibaiko hondakindegien arteko jatorrizko harreman posiblea ere.


 
19:00. IREKIERA EKITALDIA. Auditorium Amaia KZ auditorioa. Irun

  

19:00. SAIL OFIZIALA - Amaia KZ auditorioa. Irun.

  

19:00. Izotz Aroko Amerika. Produkzioa: Yap Huron Productions. Zuzendaria: Bicknell, Robin Zuzendaria: Bellota Films. Francia, 2023, 90 minutos. Hizkuntza: Inglés.

icebridge_1920

Izotz Aroko Amerika dokumentalak paradigma aldaketa bat azaltzen du, denbora errealean. Izan ere, zenbait urtetan, gizakia Ameriketara uste baino askoz lehenago iritsi zen frogak aurkitu zituzten Ciprian Ardelean arkeologo ezagunak eta beste zientzialari arnegatu batzuek. Bidaia epiko bat izan zen, gorabeheraz betea, eta kamerak deskubrimendu emozionalak zein erabateko etsipena jaso zituen.

 

2023-ko Maiatzaren 14a, Asteartea

11:00. HEZKUNTZA SAILA. Amaia KZ auditorioa. Irun

  

11:00. ARK-MO: Urdanibiako errotari bueltaka.. Zuzendaria: San Vicente de Paul kolegioa. Irun, 2023, 5 minutos. Hizkuntza: Euskara.

   

11:05. ARK-MO: Oiasso. . Zuzendaria: Gureak. Donostia-San Sebastián, 2023, 5 minutos. Hizkuntza: Euskara.

   

11:10. Pergamo helenistikoari begirada. . Zuzendaria: Serdar Yilmaz. Turquía, 2023, 5 minutos. Hizkuntza: Inglés.

2_frame1_Helenistik_Bergamaya_Bakmak

Pergamo mundu helenistikoko lehenengo erresuma emergenteetako bat izan zen. Agintari atalidarrek, nolabait, erritu erlijiosoetarako agertoki bat balitz bezala diseinatu zuten hiria, baina, aro
helenistikoan, errituok eraldatu, eta errege-erreginen errituak hartu zituzten barnean. Errege-erregina helenistikoak agertu aurretik, Aro Klasikoko mundu greziarrean, demokrazia zen gobernu sistema, eta demokraziarako jarduketa nagusia, dantza zirkularra: gizon gazteek osatutako taldeek hiria eratzen zuten tribuak ordezkatzen zituzten, eta dantza lehiaketek gizartearen integrazio sozialean laguntzen zuten. Polis demokratikoko dantza zirkularrak orchestra-ko zirkulu osoa okupatzen zuen, baina, aro helenistikoan, agertokiak orchestra erdia inbaditu zuen, eta txikitu eta erdizirkular bilakatu zuen.

 
11:15. Eztei oturuntza erromatarra. . Zuzendaria: Popovic, Milica. Serbia, 2023, 25 minutos. Hizkuntza: Inglés.

3_frame3_Rimska_svadbena_trpeza

ArcheoCuisine fikziozko dokumental sailaren barruan, Eztei oturuntza erromatarra atalak azaltzen du nola sartzen ziren erromatarren garaiko neska-mutilak helduaroan, ezkontzara bitartean.
Hain zuzen ere, erromatarren hedonismoaren goren maila eztei oturuntza zen, osagai eta lurrin exotikoen nahasketa bat.

 
11:40. Erromatarren arrastoak oinen azpian. . Produkzioa: Elhuyar (Productora). Zuzendaria: Rementeria, Nagore Zuzendaria: Leturia, Iñaki. España, 2023, 30 Minutos. Hizkuntza: Euskara.

0014757230_st_640x360_15508_3

Irunen lur-azpian altxor handiak daude, izan ere, bertan zegoen Oiasso hiri erromatarra. Orain arte aurkitu dituzten arrastoen atzetik ibili gara Juan Jose Jiménez Oiasso museoko zuzendariarekin eta Zohartze Galan Arkeolaneko arkeologoarekin.

 
17:00. SAIL OFIZIALA - HISTORIA TANTTAK. Amaia KZ hitzaldi aretoa. Irun.

  

17:00. Neandertal, beste gizatasun baten arrastoen atzetik. Produkzioa: Court-Jus Production. Zuzendaria: Geoffroy, David. Francia, 2022, 52 Minutos. Hizkuntza: Francés.

Nandertal_pied_01_1

Klimaren beroketa itsas higaduraren ondoriozko suntsiketa bizkortzen ari da, ezin saihestuzko moduan bizkortzen ere, baina, Le Rozeleko aztarnategian, Cotentin penintsulan, haren mehatxupean egonda ere, duela 80.000 bat urte Normandiako kostaldeko leku aipagarri hori okupatu zuten herri neandertalen eguneroko bizitzaren aparteko arrastoak gorde dira, oso hauskorrak berauek; tartean, 2.000 oinatz baino gehiago, neandertalen oinatzen munduko bildumarik handiena. 2012tik, Dominique Cliquet arkeologoa erlojuaren kontra lanean ari da historiaurreko aztarnategi hori induskatzen, oso garrantzitsua nazioartean, itsasoaren haserreak garai batean han ibili ziren gizon, emakume eta haur neandertalek dunan utzitako bizi arrastoak betiko irentsi aurretik. Normandian egindako aurkikuntzei esker eta azken urteetan Europa osoan eta harago egindako ikerketei esker, ikerketa arkeologiko honek, inoiz ez bezalakoa bera, denboran abiada bizian bidaiatzera eramango gaitu, neandertalen aztarnen atzetik. Pixkana-pixkana, neandertalen eguneroko bizitzari jarraikiz, arkeologiaren bidez, ikusiko dugu zertan oinarritzen zen desagertutako espezie horren gizatasuna, oso desberdina gurearen aldean baina, aldi berean, oso gertukoa
Aurkezpena eta solasaldia Xabier Peñalver doktorearen eskutik


 
19:00. SAIL OFIZIALA - Amaia KZ auditorioa. Irun.

  

19:00. Amazonesen erregina. Produkzioa: ZED. Zuzendaria: Alexandra Barbot Zuzendaria: Véronique Pérault. Francia, 2023, 90 minutos. Hizkuntza: Francés.

19_banner_La_Reine_des_Amazones

Berriki, Siberian, Armenia iparraldean, Mongolian eta Krimean, aurkikuntza batzuk egin dituzte, hala nola burua moztu zieten emakumeen eskeletoak eta armaz inguratutako eta gizontzat hartutako emakume baten hilobia, eta aurkikuntza horiek nazioarteko adituek zuzendutako espedizio arkeologiko bati bide eman diote. Emakume horiek guztiak bizitza errealeko amazonak ote, gizonik ausartenenen pareko abilezia fisikoa eta indarra izateagatik ohoratzen zituzten emakume gerrari eta ehiztarien tribu ikaragarri independentea?  Egia historikorik ote zaldi gainean ibiltzen ziren emakume borrokalarien mitoaren oinarrian? Landa lana, antzezpen historikoa, hiru dimentsioak eta elkarrizketa sakonak konbinatuz, dokumental honek deskubrituko du nor ziren emakumeok, amazonen mitoaren oinarrian dagoen egia azaleratu nahian.

 

2023-ko Maiatzaren 15a, Asteazkena

11:00. HEZKUNTZA SAILA. Amaia KZ auditorioa. Irun

  

11:00. ARK-MO: Itsasoko zaindari, herriaren armarri - Sokoako gotorlekua. . Zuzendaria: Pierres Larzabal kolegioa. Ciboure, 2023, 5 minutos. Hizkuntza: Euskara.

   

11:05. Odisea, gure eboluzioaren historia.. Produkzioa: Tropisme. Zuzendaria: Sébastien Duhem. Bélgica, 2023, 30 Minutos. Hizkuntza: Francés.

Capture_decran_2023_04_26_a_130312

Gure eboluzioaren historia, Neolitotik Mendebaldeko Erromatar Inperioaren bukaerara arte.

 
11:35. Erromatarren arrastoak oinen azpian. Produkzioa: Elhuyar (Productora). Zuzendaria: Rementeria, Nagore Zuzendaria: Leturia, Iñaki. España, 2023, 30 Minutos. Hizkuntza: Euskara.

0014757230_st_640x360_15508_3

Irunen lur-azpian altxor handiak daude, izan ere, bertan zegoen Oiasso hiri erromatarra. Orain arte aurkitu dituzten arrastoen atzetik ibili gara Juan Jose Jiménez Oiasso museoko zuzendariarekin eta Zohartze Galan Arkeolaneko arkeologoarekin.
  
17:00. SAIL OFIZIALA - HISTORIA TANTTAK. Amaia KZ hitzaldi aretoa. Irun.

  

17:00. Téviec. Produkzioa: Vivendi Lundi!. Produkzioa: France Télévision. Zuzendaria: Hubert Béasse. Francia, 2022, 52 Minutos. Hizkuntza: Francés.

dt_necropole_treviec_sepulture_de_teviec_global

1920ko hamarkadan, Marthe eta Saint-Just Péquart-ek osatutako arkeologo bikoteak Mesolitoko hilobi bat aurkitu zuen, Téviec izeneko uhartean, Morbihanen. Arkeologia hastapenetan zegoen artean, eta Téviecekoarenaren pareko kalitateko nekropoli prehistorikoak oso urriak ziren Europan. Eskeletoen artean, Péquartarrek K6 izendatu zutenak bazuen komunitate zientifiko osoaren jakin-mina piztu zuen berezitasun bat, bizkarrezurrean sartutako bi gezi mutur: aurkikuntza horrek zalantzan jarri zuen Mesolitoko gure arbasoak ehiztari-biltzaile baketsuak ziren ustea.
2000ko hamarkadaren hasieran, Tévieceko eskeletoek berriro piztu zuten komunitate zientifikoaren interesa, eta Grégor Marchand arkeologoak eta beronen taldeak ikerketari berrekin zioten, ezagutzen dugun Mesolitoko lehenengo homizidioa nola gertatu zen jakin nahian.
Aurkezpena eta solasaldia Xabier Peñalver doktorearen eskutik

  
18:00. SAIL OFIZIALA - Aquarium. Donostia- San Sebastián

  

18:00. Bikingoak, erresuma galdua. Produkzioa: ZED. Zuzendaria: Alexis de Favitski. Francia, 2022, 90 minutos. Hizkuntza: Francés.

20_frame1_Le_vrai_visage_des_vikings

Gjellestad (Norvegia), 2018. Arkeologo batzuek berebiziko aurkikuntza bat egin zuten: hilobitarako itsasontzi bikingo bat, 20 metro luze zena eta 1.200 urte zituena. Nor zegoen gordeta hilobian? Zer esan ziezagukeen zerraldoak bikingoen eguneroko bizitzari, sineskerei eta tradizioei buruz? Galdera horiei erantzun nahian, 2020ko uztailean, ohiz kanpoko espedizio arkeologiko bat hasi zen. Bikingoak: erresuma galdua ikerketa zientifiko bat da, eta, era berean, bada drama historiko epiko bat ere, teknologia aurreratuez, zinemakoen mailako antzezpenez eta espezialista bikainen laguntzaz baliatuz bikingoen zibilizazio galduko baserritar, gudari eta artisauak berpizten dituena.
  
19:00. Piraten egiazko historia. Produkzioa: Gedeon Programmes. Zuzendaria: Bégoin, Stéphane. Francia, 2023, 52 Minutos. Hizkuntza: Francés.

67ac1b23f188b07a3d314ad1e817678714da8c7775a09f8cc43df3b49877bcbd_UY500_UX667_RI_TTW_

Nola bizi ziren piratak? Kondairaz harago, nor ziren? Galdera horri erantzuteko, filmak ohiz kanpoko bi misio arkeologikori jarraitzen die, Maurizion eta Madagaskarren. Orain arte, piraten itsasontzien hondakin bakan batzuk aurkitu dira. Bada, egun, arkeologo talde bat urpeko azterketak egiten ari da, Indiako Ozeanoko mendebaldean, Speaker izeneko itsasontziaren aztarnen bila –1702an hondoratu zen–, eta, aldi berean, lehorrean, Sainte-Marie izeneko uhartean, ikerketa osagarriak egiten, piratak han bizi eta ezkutatzen baitziren. Ikerketa horiei esker, piraten bizitza misteriotsuaren aztarna eta froga konkretuak lortuko ditugu.
Mertxe Urteaga arkeologo eta epaimahaikidearen eta Ander Arrese Suhar Arkeologiako arkeologoaren aurkezpena


  
19:00. SAIL OFIZIALA - Amaia KZ auditorioa. Irun.

  

19:00. Ramsesen hiri galdua. Produkzioa: Pernel Media. Zuzendaria: Laurent Portes. Francia, 2022, 90 minutos. Hizkuntza: Francés.

RAMSES_EGYPTIENS_CREUSENT_1

Ramses II.a Antzinako Egiptoko faraoi nagusia izan zen. Sei hamarkada baino gehiago gobernatu zuen, eta ezin konta ahala monumentu eraikiarazi zituen, herrialde osoan zehar, zein baino zein bikainagoa. Nolanahi ere, haren benetako harribitxia sortu zuen hiriburu mitikoa izan zen: Pi-Ramses. Hiru milurtekoko ahanzturatik berreskuratu, eta XX. mendearen bukaeran aurkitu zuten, Nilo ibaiaren deltan, eta arkeologoek urtero-urtero induskatzen dute, sekretu berriak azaleratzeko. 2022an, lehenengo aldiz, Henning Franzmeier irakaslea buru zuen arkeologo talde batek Ramses II.aren beraren jauregia induskatzeari ekin zion.
  

2023-ko Maiatzaren 16a, Osteguna

11:00. HEZKUNTZA SAILA. Amaia KZ auditorioa. Irun

  

11:00. ARK-MO: Scripta Manent (+Making of). Zuzendaria: Orereta Ikastola. Errenteria, 2023, 5 minutos. Hizkuntza: Euskara.

   

11:05. ARK-MO: Kale Nagusia, Lezo + Gure arbasoen arrastoak. Zuzendaria: Lezoko institutua. Lezo, 2023, 5 minutos. Hizkuntza: Euskara.

   

11:10. Lur urratua. Produkzioa: Etxetxo Elkartea. Zuzendaria: Gurutze Susperregi Zuzendaria: Kepa González. Lezo, 2023, 56 minutos. Hizkuntza: Euskara.

lur_urratua4_1_2

Dokumental honek, Jaizkibel mendiko errepidearen eraikitze prozesuan, beren ideiengatik, bizi eta lan baldintza gogorren mende lan behartuak egitera zigortuak izan ziren frankismoko presoen memoria berreskuratzen du. Iraganean gertatutako historia bat, gaur egungo pertsonek kontatua, berriro gerta ez dadin.
  
17:00. SAIL OFIZIALA - HISTORIA TANTTAK. Amaia KZ hitzaldi aretoa. Irun.

  

17:00. Guadalperaleko Trikuharria. Produkzioa: Canal Extremadura TV. Zuzendaria: Camello Manzano, José. España, 2023, 30 Minutos. Hizkuntza: Castellano.

15698665853399

Guadalperaleko trikuharria ez dago bakarrik bere hilobi likidoan: Tajo ibaiaren ibilbidean bertan, beste urtegi batzuetan, obra arkitektoniko handiak egin zituzten lehengo kulturen aztarna gehiago gelditu dira ur azpian. Duela 5.000 urte, edo are lehenago, sineskera sistema sendo-sendo batek eragin zuen hura eraikitzea; harrizko pieza handiak landu, mugitu eta armatzeko ahalegin itzela egitea. Induskatu eta egundoko egitura azaleratu, berriz, 1925ean egin zen, apenas hamarkada batzuk direla. Azkenik, trikuharria 2019ko udan geratu zen kanpoan, inoiz ez bezala, eta, orain, bisitariz betetzen da, harik eta ura itzultzen den arte. Bada, adituek istorio interesgarri hori kontatuko digute.
  
17:30. Derbent: Pertsiak atzean utzi zuena. Produkzioa: Persian Dutch Network. Zuzendaria: Pejman Akbarzadeh. Países Bajos, 2022, 30 Minutos. Hizkuntza: Inglés.

Bayat_Kapy_Gate_Darband_Wall__1

Derbenteko gune gotortua, VI. mendekoa, Persiar Inperioak (Iranek) Kaukason zuen defentsarako egitura nagusia izan zela jotzen da, eta UNESCOren Munduko Ondarearen Zerrendaren barruan dago. Gaur egun, Dagestango Errepublikan dago, Errusiako muturrik hegoaldekoenean, baina Mendebaldekooi hara ez bidaiatzea aholkatzen digute, talde islamisten eta indar errusiarren arteko gatazka odoltsuak direla eta. Film honek hasiera batean Persiar Inperioaren iparraldeko muga babesteko eraikitako gotorleku sistemaren garrantzi historikoa azaltzen du, eta, era berean, aztertzen du nola babestu duten gotorleku jakin hau hamabost bat mendez agintari persiar, arabiar, turkiar eta errusiarrek.
Aurkezpena eta solasaldia Xabier Peñalver doktorearen eskutik
  
19:00. SAIL OFIZIALA - Amaia KZ auditorioa. Irun.

  

19:00. Izeh. Zuzendaria: Kiarsi, Iman. Irán, 2019, 14 minutos. Hizkuntza: Inglés.

Izeh_movie_frame

Izeh izeneko Irango hirian badira elamdar zibilizazioaren eta Partiar Inperioaren aztarna ederrak: elamdar zibilizazioarenak, K.a. 2700. urtetik 547. urtera artekoak, eta Partiar Inperioarenak, K.a. 242. urtekoak. Zehazki, Kul-e Farah izeneko hiritik gertu badira sei labar erliebe elamdar, Austen Henry Layardek 1841ean aurkituak: proposatu dutenez, zeremonia erlijiosoetarako erabiltzen zen santutegi ireki baten moduko zerbait, non animaliak sakrifikatzen ziren. Hiru harrizko paretetan zizelkatuta daude, eta beste hirurak, berriz, harkaitz handietan. Sakrifizioak, prozesioak eta oturuntza bat irudikatzen dituzte, eta hirutan musikari taldeak ere ageri dira. I. erliebeko inskripzioak Hanni aipatzen du, Tahhi-ren semea, eta, horregatik, Hanniren garaikotzat hartu da erliebe hori, K.a. VII. mendearen ingurukotzat, baina litekeena da erliebe batzuk eta besteak garai desberdinetakoak izatea, III.a, IV.a eta VI.a K.a. II. mendearen bukaerakotzat edo I.aren hasierakotzat hartu baitira.
  
19:15. Nekropoli baten istorioak. Produkzioa: Madrid Scientific Films. Zuzendaria: Trueba, Javier. España, 2022, 56 Minutos. Hizkuntza: Castellano.

historias_de_una_necropolis_fjea_8

Dra Abu el-Naga izeneko muinoa funtsezkoa da Egiptoko historian: han lurperatu zituzten XVII. dinastiako erregeak eta XVIII.eko lehenengoak, K.a. 1600. urtearen eta 1500.aren artean –ondoren, Hatxepsutek Erregeen harana inauguratu zuen–. Hilerriaren bizitza luzearen eta hark denboran barrena izandako berrerabilera eta eraldaketen bidez, egiptologia eta beronen ikasgaiak prozesu dinamiko baten parte direla aditzera ematen du dokumental honek. Horrela, nekropoliak induskatzea erabilera berriak, arpilatzeak, aldaketa sozialak, aldaketa politikoak, aldaketa erlijiosoak, modak... dokumentatzea da, eta egiptologoek puzzlea osatu behar dute, gertakari eta prozesuen katea deduzitzen saiatuz.
ONCE-rekin elkarlanean: AUDESC sistema eskuragarri
  

2023-ko Maiatzaren 17a, Ostirala

11:00. SAIL OFIZIALA - Amaia KZ auditorioa. Irun.

  

11:00. Paris, jauregui galduaren misterioa. Produkzioa: Capa Presse. Zuzendaria: Stéphane Jacques. Francia, 2023, 90 minutos. Hizkuntza: Francés.

ca3d437_1693463422266_paris2clemystc388redupalaisdisparu

Versailles izan zen, Versailles baino lehenago: Parisen bihotzean zegoen jauregi ikusgarri bat, 2.000 urteko historia zuena, Julio Zesarrek Galia inbaditu zuenetik Maria Antonieta exekuziora bitartean espetxeratu zutenera bitartekoa. Nolatan utzi da ahaztera eta nolatan egin dira gobernu baten eta bestearen eraikinak gainean? Maisulan galdu hau noiz eta zergatik eraiki zen zehazteko, adituek denbora luzean ezkutuan egondako historia politiko, militar eta erlijiosoaren geruzak erauziko dituzte, helburu bakar bat gogoan: K.a. 52. urterainoko aztarnak biltzea, Jauregi Galdua digitalki berreraikitzeko eta haren tamaina, forma eta testura birsortzeko eta, horrela, zientzialari eta historialariekin batera, zer-nolako sorpresak gordetzen dituen deskubritzeko.
  
17:00. SAIL OFIZIALA - HISTORIA TANTTAK. Amaia KZ hitzaldi aretoa. Irun.

  

17:00. Arqueomania: azken judizioaren eguna I. Produkzioa: La Nave de Tharsis. . España, 2023, 28 minutos. Hizkuntza: Castellano.

El_dia_del_juicio_Parte_I_arqueomania

Bi emanaldi hauetan, Turuñueloko indusketen historiaren ikuspegi orokor bat emango dugu –Guareñan dago Turuñuelo– hasieratik gaur arte, eta zuzendariek Italiara etruriar munduko paralelismoen bila egindako espedizioa azaldu.
Aurkezpena eta solasaldia Xabier Peñalver doktorearen eskutik



  
17:30. Arqueomania: azken judizioaren eguna II. Produkzioa: La Nave de Tharsis. . España, 2023, 30 Minutos. Hizkuntza: Castellano.

diadeljucio2_arqueomania

Bi emanaldi hauetan, Turuñueloko indusketen historiaren ikuspegi orokor bat emango dugu –Guareñan dago Turuñuelo– hasieratik gaur arte, eta zuzendariek Italiara etruriar munduko paralelismoen bila egindako espedizioa azaldu.
Aurkezpena eta solasaldia Xabier Peñalver doktorearen eskutik
  
19:00. SAIL OFIZIALA - Amaia KZ auditorioa. Irun.

  

19:00. Akileiako basilikaren jatorria. Produkzioa: Altair4 Multimedia. Zuzendaria: Galifi, Pietro. Italia, 2023, 8 minutos. Hizkuntza: Italiano.

descargar_13

K.o. 313. urtean, Milango ediktua kaleratu eta denbora gutxira, Teodoro gotzainak lehenengo apezpiku gunea eraikiarazi zuen, Akilean, hiriaren inguruan, harresietatik eta biltegi handi batetik gertu: horrela hasi zen basilika zahar-zahar honen historia.
  
19:10. Harriekin pintatzen hasi gara. Produkzioa: RAI Cultura. Zuzendaria: Dalessandro, Massimo. Italia, 2021, 28 minutos. Hizkuntza: Italiano.

descargar_1_9

“Orain ez zaizkigu gustatzen panelak ez mendiak gela baterantz hedatzen dituzten espazioak: harriekin pintatzen hasi gara”. Horrela iragarri zuen Pliniok dekorazio teknika berri baten sorrera, mosaikoarena. Eraikin inperialak, egoitza pribatuak eta instalazio publikoak zolatu eta apaintzeko teknikarik erabilienetako bat bihurtu zen mosaikoa, eta, Portusen, Berant Antzinaroko instalazio termal batean, termetako zerbitzugune baten lurreko mosaiko batean egindako zaharberritze lan luze eta konplexua deskubrituko dugu, ondasun arkeologiko garrantzitsu baten errekuperazioa eta mendeetan gizarte erromatarraren oinarrietako bat izan zen integrazio eredu baten kontakizuna
  
19:40. Izpi bat uretan bezala, San Casciano dei Bagniko brontzeak. Zuzendaria: Eugenio Farioli Vecchioli Zuzendaria: Parco archeologico di Ostia Antica. Italia, 2023, 56 Minutos. Hizkuntza: Italiano.

22_banner_Come_un_fulmine_nellacqua_I_bronzi_di_San_Casciano_dei_Bagni

Gorputza eta espiritua zaintzen zituen ura; eraikin sakratua eta beilatokia; egoitza bortxaezina, non etruriarren eta erromatarren arteko kontrasteak bizikidetza baketsuari bide eman zion. Hori guztia izan zen zazpi mende baino gehiago, K.a. III. mendetik K.o. V. mendera arte, Bagno Grandeko santutegia (San Casciano dei Bagni). Hango “bihotzak”, igerileku, sakratuak brontzezko 200 objektu baino gehiago eta 5.000 txanpon baino gehiago eman ditu: oraindik ere osasunaz, harreraz eta fedeaz mintzo zaigun iragan bat leialtasunez islatzen duten eskaintzak.
  

2023-ko Maiatzaren 18a, Larunbata

11:00. MEMORIA HISTORIKOA. Auditorium AMAIA KZ auditorioa

  

11:00. Baso bat ur Eliorentzat. Produkzioa: Enric Escofet Pacreu. Zuzendaria: Zuzendaria: Pere Joan Ventura. España, 2018, 20 minutos. Hizkuntza: Catalán.

Un_vaso

Behin Bigarren Mundu Gerran faxismoa menderatuta, Espainian, idealista batzuek borrokan jarraitu zuten, Francoren diktaduraren kontra. Hirurogei urte geroago, Enrica Volpik eta bere senideek misterio bat deskubrituko dute: nola eta zergatik desagertu zen Elio arrastorik utzi gabe.
  
12:15. Granuja-ri jarraika. Zuzendaria: Josep Maria Castellví Viladegut. España, 2023, 51 minutos. Hizkuntza: Catalán.

10_frame2_Perseguint_el__GRANUJA__Persiguiendo_el__GRANUJA_

1979an, arrantza ontzi batek 270 metrora harrapatu zuen gerra hegazkin bat arrastaka eraman, eta ur azaletik gertu utzi zuen, Tarragonan. Han ziotenez, Espainiako Gerra Zibilaren bukaeran, hiriaren kontrako eraso batean, Kondor Legioaren bi motorreko hegazkin bat eraitsia zen, Granuja esaten ziotena. Gatazka horretako bonbardaketen oroitzapen lazgarriak gertatutakoaren lekuko izan zirenen gogora etorri ziren, baina urpeko aireontzia dokumentatu eta identifikatzeko prozesuak ondorio harrigarri bat eman zuen, eta ikerketa ildo berri bati heltzera behartu zuen. Granuja-renak al ziren egiaz urpeko hondakin horiek?
  
18:30. SARI-BANAKETA EKITALDIA. Auditorium AMAIA KZ auditorioa

Sari-banaketa ekitaldia Ylenia Benitok aurkeztuta  

19:00. Lehiaketaz kanpo: Iruleguiko eskua. Zuzendaria: Aranzadi Zientzia Elkartea Zuzendaria: Eider Conde. España, 2022, 16 minutos. Hizkuntza: Castellano.

2PWCZ5MP7VFO3GWZP6DKEUT6HE

Irulegi mendian aurkitua, K.a. I. mendeko brontzezko esku bat. Orain arte ezagutzen den euskarazko inskripziorik zaharrena

 
19:15. Lehiaketaz kanpo: Indiana Jones eta azken . Produkzioa: Paramount Pictures. Produkzioa: Lucasfilms. Zuzendaria: Steven Spielberg. Estados Unidos, 1989, 127 minutos. Hizkuntza: .

indiana_jones_and_the_last_crusade_834556032_large  

Hirugarren atal honetan, protagonistaren aita, Henry Jones ere arkeologoa, bahitu egingo dute Grial Santuaren bila zebilela. Indianak erreskatatzera joan beharko du eta, bide batez, erlikia preziatua bereganatzen saiatu, naziek ere nahi dutena.
 
Festival Internacional de
Cine Arqueologico del Bidasoa
Museo Romano Oiasso
Eskoleta, 1. 20302 Irun
Tfno.: (+34) 943-63 93 53
E-mail: ficab.oiasso@irun.org
Facebook
Colaboradores

Diario Vasco

Orrialdearen hasierara joan