MC4

Narbona. Frantziako indusketa arkeologikoen aztarnategihandienean, hiriak erromatarren garaian zuen ahalmen ahaztuaazaleratzen ari da ikertzaile-talde bat. K.a. I. mendetik, orduanNarbo Martius esaten zitzaiona, Galiako lehen kolonia erromatarra,probintzia handi bateko (Narbonense) hiriburu bihurtu zen. Portu-hiriainperioaren kolonien arteko truke-gunea bihurtu zen, eta sortuzuenaren parekoa: Erromaren parekoa alegia! Aparteko aurkikuntzabatetik abiatuta, film honek, infografiari eta historialari eta arkeologogrinatsuen laguntzari esker, antzinako metropoli horren historiaharrigarria berreraikitzen du, ezen metropoli horrek hiru mendebaino gehiago iraun zuen Mediterraneoaren munduan.

Orain dela mende bat baino gutxiago esploratzaile batzuek megalito gune zabala aurkitu zuten Etiopiaren hegoaldean. Nabarmendu gabe gertatu zen aurkikuntza, baina hantxe jarraitzen dute hainbat milaka monolitok, falo itxurakoak, inolako zalantzarik gabe. Zein garaikoak dira? Zein eginkizun zuten? Nondik datoz? Misterio bat da hori guztia. Harrizko faloek zortzi metroko altuera dute eta hainbat tona pisatzen dituzte, baina inork ez daki zein herrik, zein zibilizaziok jarri zituen harri haiek zut. Megalitismoan aditu Roger Jaussaumek ahalegin guztiak egin ditu erantzunak aurkitzeko, jakintza arlo askotako arkeologo talde baten laguntzaz. Espedizio bat Afrikaren bihotzera abiatu da megalito ondare bikain hori induskatzera eta historialariek ondo ezagutzen ez duten herri baten enigma argitzera. 

Duela 7.000 urte, Ataltiar kostaldeko jendeak milaka megalito eraiki zituzten, eta zeinu misteriotsuak zizelkatu zituzten harri haietan. Zientifikoek eratutako nazioarteko talde batek, Serge Cassen frantziarra buruan dagoela eta Bretainiako Er Grah menhir handitik abiatuz, eraikuntza erraldoi horietako asko esploratu ditu eta hizkuntza sinboloko bat dutela ondorioztatu du, harrian zizeilkatua. Sekzio Ofiziala. Lekua: Amaia K.Z. (Irun)

Astakeria al da esatea zinema Paleolitoan asmatu zela, duela 20.000 urte? Arte paleolitikoko pinturen eta grabatuen irakurketa berri batek erakutsi du artista prehistorikoak haitzuloetako hormetan islatutako animalien mugimendua banatzeko gai zirela, animazio zinemaren era primitibo bat balitz bezala. Ez hori bakarrik: narrazio bat grafikoki islatzeko gaitasuna zuten, alegia bazekiten historiak kontatzen soinuen eta irudien bidez.Sekzio Ofiziala. Lekua: Amaia K.Z. (Irun)