Gherdane, Saleha

Angkor, Khmer Inperioaren hiriburua, XIII. mendeko munduko hiri handiena, esploratzaile frantziarrek berraurkitu zuten XIX. mendean. Hiri utzi bat aurkitu zuten, baina bertako hondakin liluragarriek gaur egun ere hunkitu egiten dute. Gaur egun, nazio guztietako zientzialariek mendetan bere eskualdea menderatu zuen zibilizazio horren desagerketaren misterioak azaltzen saiatzen jarraitzen dute. Hango sare hidraulikoa erreinu haren goraldiaren giltzarria izan zen, baina baita bere Akilesen orpoa ere.

Oraindik orain, arkeologo-talde batek aurkikuntza ikusgarria egin du Rodano ibaian, antzinako Arelate, egun Arles, erromatarraren sarrerako atearen ondoan. Brontezko eta marmolezko eskultura bikainen multzo bat argitara atera dute; 2.000 urte baino gehiago egon da ur azpian izkutatuta. Berreskuratu diren piezen artean, bat nabarmentzen da: Julio Cesarren erretratua; berak sortu zuen hiria K. a.ko 46an, eta ziurrenik, bizi zela Cesarri egin zitzaion eta orain ezagutzen den erretratu bakarra izango da.